Rentekoerse en monetêre beleid

Het jy al gewonder hoe ŉ verandering in die rentekoers die ekonomie beïnvloed? Die kursus bied aan die deelnemer ŉ geleentheid om die veranderinge in rentekoerse te verken wat ŉ impak op sakebedrywighede het en hoe om jou eie finansies en besigheid te bestuur in veranderde ekonomiese omstandighede. Die doel van hierdie kursus is om jou die geleentheid te bied om die veranderinge in rentekoerse te verken wat ŉ impak op sakebedrywighede het en hoe om jou besigheid te bestuur in veranderde ekonomiese omstandighede.

Begindatum

November 30, 2025

Formaat

Aanlyn sessies

Koste

R2500

Toelatingsvereiste

’n Nasionale Senior Sertifikaat (NSS)

Onderrigtaal

Slegs Afrikaans

KURSUSINHOUD

Basiese ekonomiese konsepte
Besigheidsiklus/konjunktuur
Inflasie
Funksies van die Reserwebank
Ekonomiese en monetêre beleid
Transmissie van rentekoerse en monetêre beleid

IDEALE KURSUSGANGER

Die kursus is ideaal vir die volgende:

Uitvoerende amptenare, senior bestuurders, funksionele hoofde en bestuurders;
Besigheidskonsultante, analiste, finansiële en strategiese adviseurs;
Boere;
Kleinsake-entrepreneur en eienaars van kleinsakeondernemings;
Onderwysers en lektore, en
Finansiële adviseurs wat kredietpunte moet verkry.

DATUMS

Die kursus sal oor ses maande strek sodra die deelnemer inskryf.

REGISTRASIES SLUIT

30 November 2025

KURSUSAANBIEDERS

Dr. Sandra Adendorff

Dr. Sandra Adendorff is ŉ dosent in Ekonomie by Akademia, en het ŉ meesters- en doktorsgraad in hierdie dissipline aan die Universiteit van Pretoria verwerf. Sy was voorheen werksaam by die Universiteit van Pretoria, asook die Reserwebank. Adendorff se navorsingsfokus is ekonomie, finansiële markte en instrumente, asook makro-ekonomiese beleid. As navorser is sy medeskrywer van ŉ aantal handboeke, onder meer die nuwe uitgawe van Economic Indicators en Understanding South African Financial Markets (Van Schaik) en Monetary Economics in South Africa (Oxford). Daarbenewens het sy artikels en publikasies vir verskeie instellings geskryf, en ŉ aantal referate by internasionale konferensies gelewer. Sy was ook betrokke by ŉ aantal navorsingsprojekte, onder meer gefokus op finansiële integrasie in Suider-Afrika, en is ŉ genoot by die Suid-Afrikaanse Instituut vir Finansiële Markte. Kursusleier

KURSUSLEIER

Dr. Sandra Adendorff | sandra@akademia.ac.za