Selfontwikkeling en afrigting – Die held se reis

Die kursus bied ʼn raamwerk waardeur kursusgangers deur selfontdekking, reflektiewe oefeninge en praktiese strategieë hul lewensdoel en talente kan ontdek en ontwikkel of ander deur die proses kan begelei. Beperkende oortuigings wat moontlik die verwesenliking van die lewensdoel kan belemmer word geïdentifiseer en strategieë om hierdie hindernisse te oorkom word ondersoek. Die kursus bied insig oor hoe om unieke talente en vermoëns te benut en ʼn betekenisvolle en vervullende lewe te lei.

Begindatum

Enige Tyd

Formaat

Selfgerigte aanlyn leer

Koste

R3 800

Toelatingsvereiste

’n Nasionale Senior Sertifikaat (NSS)

Onderrigtaal

Afrikaans en Engels

KURSUSINHOUD

  • ʼn Dieper begrip van lewensdoel en tegnieke om dit te ondersoek
  • Begrip en tegnieke om talente te verstaan in die konteks van die lewensdoel
  • Selfinsig in denkpatrone en oortuigings wat potensiaal kan belemmer of ondersteun
  • Strategieë om denkpatrone en oortuigings te vorm om die lewensdoel te ondersteun
  • Projek: Ontwikkeling van ʼn lewensplan om besluite daarvolgens uit te voer

IDEALE KURSUSGANGER

Die kursus is ideaal vir geregistreerde sielkundiges, beraders en psigometriste vir voortdurende professionele ontwikkeling (VPO), aangesien die kursus vir 25 Voortgesette Onderrigeenhede (VOE’s) by die RGBSA geregistreer is.

DATUMS

KURSUSAANBIEDERS

Dr. Rina Steynberg

Dr. Rina Steynberg is ʼn dosent by Akademia in die Ekonomiese en Bestuurswetenskappe-fakulteit. Sy het ʼn doktorsgraad in Leierskap en Veranderingsbestuur en is ʼn geregistreerde bedryfsielkundige. Sy het meer as twintig jaar ondervinding as bestuurskonsultant waarin sy spesialiseer in strategie, kultuurwerk en leierskapontwikkeling asook as toesighoudende sielkundige vir intern sielkundiges en psigometriste optree. Dr. Steynberg doseer tans innovasiebestuur en organisatoriese bestuur en haar navorsingsfokus is leierskap, veranderingsbestuur en die neurowetenskap.

 

Ds. Cobus Swart

Ds. Cobus Swart het ʼn MA-graad in Godsdiens- en Bybelwetenskap verwerf en het vir die afgelope sestien jaar as leraar gewerk, eers voltyds en nou deeltyds. Sy diepgaande belangstelling in hermeneutiek, wat handel oor hoe mense sin maak van die wêreld, het hom betrokke gemaak by verskeie beradingsgeleenthede, veral met leiers. Hierdie belangstelling het hom aangespoor om ook ʼn BCom-graad in Bedryfsielkunde te voltooi, om ʼn dieper begrip van sielkunde in die besigheidswêreld te ontwikkel. Ds. Swart se studie- en werksondervinding stel hom in staat om ewe gemaklik te funksioneer binne beide die teologiese en besigheidsomgewing.

KURSUSLEIER

Dr. Rina Steynberg | rinas@akademia.ac.za