Middel- en laevlakbestuur: Besluitneming en beplanning
Begindatum
Formaat
Koste
Toelatingsvereiste
Onderrigtaal
KURSUSINHOUD
• Agtergrond en belangrikheid van besluitneming en beplanning;
• Besluitnemingsteorieë en -modelle;
• Beplanningsteorieë- en modelle;
• Visualisering van besluite en planne; en
• Scenario-analise en pasmaking van besluitneming en beplanning
IDEALE KURSUSGANGER
Die kursus is ideaal vir verkoopsbestuurders; aankoopbestuurders; afdelings/departementshoofde; bemarkingsbestuurders; operasionele bestuurders; toesighouers; koördineerders; spanleiers; voormanne; projekbestuurders; skofbestuurders; voorgraadse en nagraadse studente; individue wat die kuns van besluitneming en beplanning wil bemeester, ens.
DATUMS
Die kursus skop af met ʼn Teams-sessie. Vandaar werk die kursusganger op selfregulerende pas op die aanlyn platform en sluit die kursus af met ʼn Teams-sessie.
• Week 1 – Donderdag 17 Oktober tot Woensdag 23 Oktober
Op Donderdag 17 Oktober is daar ʼn Teams-sessie 18:00-20:00 en die res van die week werk die kursusganger op selfregulerende pas op die aanlyn platform.
• Week 2 – Donderdag 24 Oktober tot Woensdag 30 Oktober
Die kursusganger werk op selfregulerende pas op die aanlyn platform.
• Week 3 – Donderdag 31 Oktober tot Woensdag 6 Novemver
Die kursusganger werk op selfregulerende pas op die aanlyn platform en op Woensdag 6 November is daar ʼn Teams-sessie 18:00-20:00.
REGISTRASIES SLUIT
10 Oktober 2024
KURSUSAANBIEDERS
Elize-Mari Coetzer
Elize-Mari Coetzer is Bestuurswetenskappe-departementshoof in Akademia se Fakulteit Ekonomiese -en Bestuurswetenskappe. Sy het ʼn BCom-graad in Korporatiewe Kommunikasie en Toerismebestuur (cum laude), asook ʼn honneurs- en meestersgraad in hierdie dissipline aan die Noordwes-Universiteit verwerf. Elize-Mari se navorsingsfokus was markprofiele, bestedingspatrone en ekonomiese bydraes. Sy is tans besig om haarself te verdiep in haar passie vir besluitneming, beplanning, prosesse en die visuele voorstelling daarvan. Haar mees onlangse gepubliseerde werk is die artikel “Expenditure-based segmentation of visitors to the Wacky Wine Festival”, in die vaktydskrif Tourism Recreation Research. Akademiese toekennings sluit in lidmaatskap van die Golden Key International Honour Society. Sy het twee jaar in die praktyk as ʼn konferensie- en spa-bestuurder gewerk en het dertien jaar ondervinding in die hoëronderwysomgewing, onder andere as programkoördineer, mentor en dosent.
KURSUSLEIER
Elize-Mari Coetzer | elize-mari@akademia.ac.za
