Kernbeginsels van bemarking

Die doel van hierdie kursus is om verskeie aspekte van algemene bemarking te ondersoek om sodoende Suid-Afrikaanse rentmeesters in verskillende Suid-Afrikaanse gemeenskappe te vorm deur volhoubare bemarkingstrategieë binne ondernemings te bou. Die kursusganger ontwikkel ŉ bruikbare bemarkingsplan gedurende hierdie kursus.

Begindatum

Mei 5, 2025

Formaat

Aanlyn sessies

Koste

R9000

Toelatingsvereiste

’n Nasionale Senior Sertifikaat (NSS)

Onderrigtaal

Slegs Afrikaans

KURSUSINHOUD

• Bemarkingsargitektuur, teikengehoor, verbruikersgedrag en besluitneming;
• ’n Bemarkingstrategie ten opsigte van die produk, prys, kommunikasie en verspreiding; en
• Die bestuur van bemarkingspogings deur bemarkingsplanne.

IDEALE KURSUSGANGER

Die kursus is ideaal vir enigeen wat graag die kernbeginsels van bemarking onder die knie wil kry.

DATUMS

ŉ Kortkursus wat in die formaat van een oriënteringsessie en ses opleidingsessies aangebied word wat oor ŉ tydperk van ses weke versprei is. Die ses opleidingsessies (vyf teen 60 minute elk) sal aanlyn nauurs geskied. ŉ Tydsgleuf word deur die spesifieke groep wat deelneem aan hierdie kursus gekies. Die kursus word met ŉ een-tot-een-gesprek met die kursusleier oor hul bemarkingsplan afgesluit.

Begin en oriëntering: 5 Mei tot 10 Mei 2025

Week 1: 12 Mei tot 17 Mei (Inleiding en belangrikheid van bemarking)
Week 2: 19 Mei tot 24 Mei (STP – segmentering, teikening en posisionering)
Week 3: 26 Mei tot 31 Mei (Verbruikersgedrag en marknavorsing)
Week 4: 2 Junie tot 7 Junie (Sewe P’s)
Week 5: 9 Junie tot 14 Junie (Omgewing)
Week 6: 17 Junie tot 21 Junie (Bemarkingsplanvoorbereiding)

Inhandiging van bemarkingsplan: 23 Junie 2025

REGISTRASIES SLUIT

28 April 2025

KURSUSAANBIEDERS

Salomien Boshoff

Salomien Boshoff is ŉ dosent in Ondernemingsbestuur. Sy het ŉ BCom-graad in Ondernemingsbestuur, asook ŉ honneursgraad in Bemarking aan die Universiteit Stellenbosch verwerf. Salomien se navorsingsfokus is indiensnemingsvaardighede en bemarking, en sy is tans besig met ŉ meestersverhandeling in Bemarking getiteld “Spanwerk as ŉ indiensnemingsvaardigheid vir bemarkinggegradueerdes”. Sy het meer as tien jaar se ondervinding in onderrig en leer, waartydens sy ŉ aantal ander toekennings – spesifiek vir haar assesseringspraktyke en samewerkingsooreenkomste met besighede – ontvang het. Sy doseer tans die volgende modules: Bemarkingsbestuur en Bedryfskommunikasie.

KURSUSLEIER

Salomien Boshoff | salomien@akademia.ac.za