Die innoverende onderneming

Hoewel alle bestuurders sal saamstem dat ŉ onderneming innoverend moet wees, is die moeiliker vraag: “Hoe maak ek ŉ onderneming innoverend?” Die doel van hierdie kursus is om bestuurders, personeel en entrepreneurs toe te rus om ŉ onderneming meer innoverend te maak. Daar word gekyk na innovasie op individuele vlak, maar ook hoe innovasieroetines op alle vlakke van ŉ onderneming gevestig kan word.

Begindatum

Julie 3, 2024

Formaat

Kontakwerkswinkels

Koste

R7170

Toelatingsvereiste

’n Nasionale Senior Sertifikaat (NSS)

Onderrigtaal

Slegs Afrikaans

KURSUSINHOUD

• Hoe kreatiwiteit aangeleer en ontwikkel kan word
• Die omskakeling van ŉ kreatiewe idee na ŉ produk
• Die omskakeling van ŉ produk na ŉ sakemodel
• Innovasie as ŉ strategiese ondernemingsfunksie
• Projek: Die skep van ŉ nuwe, innoverende produk, diens of proses

IDEALE KURSUSGANGER

• Bestaande en aspirerende bestuurders wat innovasie in hul spanne, departemente en organisasies wil bevorder;
• Entrepreneurs en eienaars van kleinsakeondernemings; en
• Werkende individue wat hul eie innoverendheid in hul werksomgewing wil bevorder.

DATUMS

Ses werkswinkels van drie ure elk.

Woensdag 3 Julie: Oriëntering [1 uur]

Woensdag 10 Julie: Kontaksessie 1

Woensdag 17 Julie: Kontaksessie 2

Woensdag 24 Julie: Kontaksessie 3

Woensdag 31 Julie: Kontaksessie 4

REGISTRASIES SLUIT

26 Junie 2024

KURSUSAANBIEDERS

Johann Smith

Johann Smith is ŉ dosent in Ondernemingsbestuur aan Akademia. Hy het ŉ BCom-graad en honneursgraad in Informatika, asook ŉ meestersgraad in Kommunikasiebestuur, aan die Universiteit van Pretoria verwerf. Johann se huidige navorsingsfokus is Innovasiebestuur, asook die bestuur van Wiskunde-angs en Wiskunde-veerkragtigheid in hoëronderwysinstellings. Hy praktiseer as ŉ bestuurskonsultant, maar is ook tientalle jare in die onderwyssektor betrokke. Hy doseer tans Sakeberekeninge, Elementêre Kwantitatiewe Metodes en Innovasiebestuur.

KURSUSLEIER

Johann Smith | johanns@akademia.ac.za