Kernbeginsels van bemarking

Die doel van hierdie kursus is om verskeie aspekte van algemene bemarking te ondersoek om sodoende Suid-Afrikaanse rentmeesters in verskillende Suid-Afrikaanse gemeenskappe te vorm deur volhoubare bemarkingstrategieë binne ondernemings te bou. Die kursusganger ontwikkel ŉ bruikbare bemarkingsplan gedurende hierdie kursus.

Begindatum

April 29, 2024

Formaat

Aanlyn sessies

Koste

R9000

Toelatingsvereiste

’n Nasionale Senior Sertifikaat (NSS)

Onderrigtaal

Slegs Afrikaans

KURSUSINHOUD

• Bemarkingsargitektuur, teikengehoor, verbruikersgedrag en besluitneming;
• ’n Bemarkingstrategie ten opsigte van die produk, prys, kommunikasie en verspreiding; en
• Die bestuur van bemarkingspogings deur bemarkingsplanne.

IDEALE KURSUSGANGER

Die kursus is ideaal vir enigeen wat graag die kernbeginsels van bemarking onder die knie wil kry.

DATUMS

ŉ Kortkursus wat in die formaat van een oriënteringsessie en ses opleidingsessies aangebied word wat oor ŉ tydperk van ses weke versprei is. Die ses opleidingsessies (vyf teen 60 minute elk) sal aanlyn nauurs geskied. ŉ Tydsgleuf word deur die spesifieke groep wat deelneem aan hierdie kursus gekies. Die kursus word met ŉ een-tot-een-gesprek met die kursusleier oor hul bemarkingsplan afgesluit.

Inleidende week | 29 April tot 4 Mei 2024 (Oriënteringsweek en inleiding)
Week 1 | 6 tot 11 Mei 2024 (Onderwerp 1: Inleiding en belangrikheid van bemarking)
Week 2 | 13 tot 18 Mei 2024 (Onderwerp 2: STP – segmentering, teikening en posisionering)
Week 3 | 20 tot 25 Mei 2024 (Onderwerp 3: Verbruikersgedrag en marknavorsing)
Week 4 | 27 Mei tot 1 Junie 2024 (Onderwerp 4: Sewe P’s)
Week 5 | 3 tot 8 Junie 2024 (Onderwerp 5: Omgewing)
Week 6 | 10 tot 15 Junie 2024 (Bemarkingsplanvoorbereiding)
Week 7 | 24 Junie (Inhandiging van finale bemarkingsplan)

REGISTRASIES SLUIT

25 April 2024

KURSUSAANBIEDERS

Salomien Boshoff

Salomien Boshoff is ŉ dosent in Ondernemingsbestuur. Sy het ŉ BCom-graad in Ondernemingsbestuur, asook ŉ honneursgraad in Bemarking aan die Universiteit Stellenbosch verwerf. Salomien se navorsingsfokus is indiensnemingsvaardighede en bemarking, en sy is tans besig met ŉ meestersverhandeling in Bemarking getiteld “Spanwerk as ŉ indiensnemingsvaardigheid vir bemarkinggegradueerdes”. Sy het meer as tien jaar se ondervinding in onderrig en leer, waartydens sy ŉ aantal ander toekennings – spesifiek vir haar assesseringspraktyke en samewerkingsooreenkomste met besighede – ontvang het. Sy doseer tans die volgende modules: Bemarkingsbestuur en Bedryfskommunikasie.

KURSUSLEIER

Salomien Boshoff | salomien@akademia.ac.za