ʼn Goeie storielyn gebeur nie toevallig nie – dit word doelbewus opgebou. In hierdie praktiese blitsles leer Carina Diedericks-Hugo deelnemers hoe om ʼn storie te ontwikkel wat lesers van die eerste bladsy af vasgryp en hulle tot by die einde laat lees. Die kursus fokus op die boustene van ʼn sterk storielyn: ʼn onweerstaanbare storievraag, geloofwaardige karakters, betekenisvolle konflik, toenemende spanning, ʼn onvergeetlike klimaks en ʼn bevredigende einde. Deur eenvoudige beginsels en praktiese wenke te gebruik, sal deelnemers ontdek hoe om stories te skryf wat emosioneel tref, momentum behou en lank ná die laaste bladsy by lesers bly.